Rein

I villreinens rike

Reinen, både den ville og reinen frå reinlaga lokalt utgjer ein viktig del av våre lokale ressursar.

Me sel ferskt reinskjøt så langt det let seg gjere gjennom heile haustsesongen og kan utover året også tilby stykningsdelar me har pakka og frose.

Me vakumerer og sel:

• ytrefilet 

• indrefilet

• flatbiff

• mørbrad

• bogsteik

• lårsteik

• kjøttdeig

• skank

• grytekjøt (nakke, skiva).

Alle slakt er godkjent av Mattilsynet før me startar foredlingsprosessen.

SOGNALam

Søye med to flotte lam på veg heim frå fjellbeite over Aurlandsfjorden

Lammekjøt frå Sognalam rett frå fjellbeite!

Vi skjærer ned og kan tilby:

• Lammesteik

• Fårikålkjøt

• Ytre og indrefileter

• Flatbiff og mørbrad

• Lammeskank (saftig og godt kjøt ved langtidssteiking)

• Nærare jul vert det klart: lammerull, pinnateik, pinnabog og pinnakjøt, både røykt og urøykt

Villhjort

Hjort utgjer den største delen av hjortevilt hjå oss og er ein fantastisk ressurs. Me sel ferskt hjortekjøt gjennom heile haustsesongen og kan utover året også tilby stykningsdelar me har pakka og frose. Me vakumerer og sel ytrefilet, indrefilet, flatbiff, mørbrad, bogsteik, lårsteik, kjøttdeig, skank og grytekjøt (nakke, skiva). Me lagar også hjorteburger.

Alle slakt er godkjent av Mattilsynet før me startar foredlingsprosessen.

Kjøpe heil eller halv hjort?

Det er mogleg å kjøpe 1/2 eller 1/1 hjort i sesongen.
Me pakkar det slik: Ytrefilet, Indrefilet, flatbiff, mørbrad, rundbiff, lårsteik, grytekjøtt utan bein (500g pakningar), skank og kjøttdeig (400g pakningar).
Kjøttdeigen kan heilt eller delvis bytast ut med burgere av hjort.
Desse vert då levert singelfryst.

Svin

Me har eigne frittgåande utegrisar.

Dette er heilt vanleg norsk svin, men dei lever fritt ute så lenge dei er hjå oss.

Grisene har eit stort område å bevege seg på og et det dei kjem over av planter, røter, og anna småplukk dei finn. Vatnet drikk dei frå bekken "Hilda" og dersom dei skulle ynskje det, kan dei nytte eit hus som står til disposisjon for våte og kalde dagar eller netter.

Elles er dei storfornøgde med å sove saman ute.

Grisene vert slakta i slutten av november eller byrjinga av desember og på julemarknadene vil de finna fersk kjøt fra desse: 

• svineribbe 
• utbeina nakke 
• kam
• ytrefilet
• indrefilet

NORGESMESTER!
I 2018 vart me Norgesmester og tok gull for Langtidsmodna spekeskinke. Me modnar skinkene i 2 år og sel i bit på marknad. Det er også mogeleg å sende dette i posten.

Andre svineprodukt frå vanleg gris, ikkje eigne:
Tørrsalta bacon, tapasboller, frukostboller (til storhusholdning) speka krydderbiff og speka ytrefilet.

Storfe

Nabogarden her i Flåm har Scottish Highland.

Det er ikkje så ofte me skjer ned storfe, men innimellom har me inne Vestlands Fjordfe, Scottish Highland frå nabogarden eller Norsk Raudt Fe.

Me modnar lenge og sel ulike edeldelar på marknad og til hotell og restaurant.

Elles lagar me nydelege burgere.

Kje

Aurland kommune har mange geitebruk!

Aurland Kommune og Sogn og Fjordane har mange geitebruk og me kan difor levere ein del kje i periodar.

Me sel spekje oppskore i stykke til gryte eller ovn. Du kan kjøpe kjelår og kjesider. Vidare lagar me kjerullade når me har mogelegheit til det.

 Oppskrift på grill-kje finn du her

Andre produkt

Potetåker i Lærdal. Bildet utlånt av Lærdal Grønt. Foto:Sverre Hjørnevik

Saman med Lærdal Grønt har me laga SOGNALAPSKAUS og HJORTEGRYTE

Desse finn de no i Coop butikkar, Spar-butikkar med fleire i Vestland og vel så det!

NYTT ER den nye serien inspirert av andre smakar frå ulike verdsdelar: Chili con Carne (med pulled storfekjøt, Sør Amerikansk innflyting), Hateful Geit (Gryte med smakar frå Nord Afrika) og Gangnam Swine (gryte med svin, Koreansk inspirasjon)
Me arbeider med å få produkta ut til endå fleire butikkar.
Me tek den også med oss på marknader utover hausten både til Aust og Vest!

Sortering av gulrot. Biletet utlånt av Lærdal Grønt. Foto: Sverre Hjørnevik