Bryggen i Bergen og Skarvarenn på Finse komande helg

Hallingskarvet Panorama

Hei alle saman!
Det vert ein travel helg, og me er no i ferd med å gjere klar alle varer som skal vera med til marknad på BRYGGEN i Bergen, grill i Lengedalen under Skarverennet og middag på Finse til kvelden for alle frivillige i Røde Kors.
Alltid like kjekt!

Til marknaden vil me spesielt løfte fram :
KJE, lår, bog, side og nakke
FILET AV KALV frå storfe på Brekke Gard i Flåm. 
Me har elles med oss godt med spekemat, bacon, lam, viltkjøt, kjøttfulle grillbein, kjøtbollar, kraft og bolognese.

De møter Egil og Silje i Bergen, resten av familien er i sving i fjellet denne helga.
Me ynskjer dykk alle ei retteleg god helg :)
Med von om smakelege opplevingar...
Kristine og Odd
Haugen Gardsmat

Marknad i Oslo 7. og i Bergen 14. april

Hei alle saman!

Vonar alle har hatt ein god påske!
Takk for alle gode tilbakemeldingar frå dykk. Me gler oss over festmåltida av lam og vilt, kos i solveggen med spekemat og kreative løysingar for produkta de har teke med dykk i ferien!
Me har vore heldige med fantastiske dagar i fjellet, og kjenner at det har gjeve oss god energi til å starte kvardagen att.
Det har vore ei noko avkorta arbeidsveke, men me har stått på og tek med oss alt som er klart for marknad denne helga.
Odd og Guttorm stiller på Valkyrieplass i Oslo, Kristine og Egil i Bergen.

Me tek med oss:
LAM: Skiva marinert lammelår, lammeklubbe, mørbrad, lammekjøttdeig og lammekraft.
HJORT: Me har nokre ytrefiletar og litt suppekjøtt av nakke som vert med til marknaden. I tillegg har me viltkraft som er god å ha som base for saus eller suppe.
SPEKEMAT: No har me skore ned nokre langtidsmodna spekekinker til, og tek alt som er klart med til marknadene. Fenalår, krydderbiff og litt Haugakallens spekepølse vert det også plass til.
BACON: Begge typar, både tørrsalta bacon av sideflesk og den engelske varianten av bankekjøtet i låret.
KJØTTBOLLAR OG KARBONADER, herlege kvardagsmiddagar:
Lammekjøttbollar, Viltbollar, tapasbollar og storfebollar. Viltkarbonade og storfekarbonade.
Med litt god kraft kan ein lage alt frå suppe, pastarettar og tradisjonelle kjøttbollemiddagar.
BOLOGNESE: Me har laga ein base av tomat og kjøttdeig som er god å starte med for ein enkel og grei kvardagsmiddag. 

Me sjåast!
Med von om smakelege opplevingar...
Kristine og Odd
Haugen Gardsmat

Påskemarked laurdag 24.mars i Bergen

Bondens Marked på Vågsalmenningen i Bergen 24.mars

Utsikt mot Reinunga frå Vatnahalsen

Hei alle saman!

No nærmar høgtida seg, og me arbeider med å få alle bestillingar ut i tide!
På laurdag er Odd og Guttorm på Bondens Marked i Bergen.
Det skal vera på Vågsalmenningen, og her vil de finna mykje godt og lokalprodusert. 

Me pakkar bilen med:
Fersk lam Heile lammelår, trimma og klar til steikeomnen. Lammeklubber, skiva marinert lammelår, skiva lammebog og salta lammebog, litt skank, kjøtdeig og mørbrad.
Hjort og rein Det me har av ytrefilet, mørbrad, skank, kjøttdeig og god kraft.  noko vilt, spekemat, bacon, bollar og patè. Spesielt vil me framheve at den langtidsmodna spekeskinka er klar og me tek med bitar til Bergen for fyrste gong på lenge.  
Kjøttbollar og karbonader
Bacon
Spekemat Langtidsmodna spekeskinke, fenalår, speka krydderbiff og Haugakallens spekepølse
Gardspatè

Sjåast på Vågsalmenningen!

Med von om smakelege opplevingar...
Kristine og Odd
Haugen Gardsmat

Bondens Marked 17.mars på Valkyrieplass

På veg til Tarven

Hei alle saman!
Det er framleis kvitt i fjellsidene, men sola skin og fuglane syng. For ei herleg tid!
Då er marknadsesongen i gang for oss i Haugen og denne helga er det marknad på Valkyrieplass i Oslo.
Påska i er tidleg i år, og dette er mogelegheiten du har til å få med deg flotte middagar av lam frå sogn, vilt og svin. I tillegg har me med oss spekemat og pålegg til fridagane, om dei no skal nytast i by eller bygd, på fjellet eller i låglandet.

Mange har venta på den langtidsmodna spekeskinka og no er den klar! Me tek med oss ein del bitar denne helga, og vonar å ha litt med til kvar einaste marknad dei komande månadane.

Vonar me sjåast på Valkyrieplass!

Med von om smakelege opplevingar..
Kristine og Odd
Haugen Gardsmat as
 

Julestemning i Haugen

Hei alle saman

Skjæring av pinnakjøt (av lam, hjort og rein!) koking av rullar og produksjon av syltaflesk, røyking og kjøttskjæring. Alt dette gjer at det er ein fryd å vera i produksjonen om dagen.
Ute er det kaldt og klart vær med eit dryss av snø. Dette lyser opp dalen og gjer at kveldane ikkje vert fullt så mørke.

Som de veit, er desember ei travel tid for oss.
Me skal delta på svært mange marknader og marknadslista for deltaking på Bondens Marked finn de på www.haugengardsmat.no/bondensmarked

I tillegg til dette startar me eigen «pop-up butikk» på Bergen Julemarked på Festplassen. Der skal me vera operative frå og med torsdag 7.desember til og med laurdag 23.desember.
Som de sikkert skjønar, treng me hjelp av familie og gode vener for å få kabalen til å gå opp, men førebels ser det meste ut til å ordne seg.

Det er marknadar både i Oslo og Bergen kvar helg framover.

Viktig å merke seg i høve bestillingar:

REINSKALV
Frist for å bestille 1/1 eller ½ reinskalv er 8.desember.
Korleis me skjærer kalvane og tilhøve elles finn de informasjon om på heimesida vår.
Kvaliteten på reinen i år er framifrå!

SVINERIBBE/ANDRE PRODUKT FRÅ EIGNE FRITTGÅANDE GRISER
Me vil ha svineribbe og andre ferske svineprodukt med oss frå og med helga 8.-10. desember.

KOKELÅR, heil
Desse er klar for levering frå helga 8.-10-desember

BESTILLINGSSKJEMA
Takk til alle som har nytta det nye bestillingsskjema på nettsida vår! 
Det har vore nokre litt uklare punkt på skjema, dette er no endra.
Kom gjerne med tilbakemelding dersom de opplever at noko framleis er utydeleg.

Me ynskjer dykk alle ei god førjulstid, og så sjåast me på marknader i tida framover. 

Med von om smakelege opplevingar…
Kristine og Odd
Haugen Gardsmat

Årets fyrste julemarked

Hei alle saman! 
Då er me klappa og klare for å reisa austover på årets første julemarknad.
Været her i vest er ikkje det beste, men me kryssar fingrane for at me kjem oss trygt over fjellet også denne gongen.

Laurdag skal me vera tilstades på Kolbotten Torg, og søndag på Bærums Verk.

Diverre er morgondagens marknad på Vågsallmenningen i Bergen avlyst grunna melding om sterk vind, og store nedbørsmengder.

Denne gongen har me med oss mykje julevarer: Pinnekjøt (både røykt og urøykt), korv, sylte, lammerull, juleskinke, reinsdyrrull, og gardspatè.

Av ferskt kjøt har me med både lam, hjort og rein.
Elles tek me med oss kjøttboller, bacon og spekemat, så mykje som me får plass til :)

Me ynksjer alle saman ei retteleg god helg, og så vonar me å sjåast!

Med von om smakelege opplevingar..
Kristine og Odd
Haugen Gardsmat