Hei alle saman
Her i Flåm er det grått og vått i dag. Det går framleis bra, og vegane er så langt opne!
Tverrelvi går over sine bredder, som i fjor, men me kjem oss likevel greitt fram.
Om ikkje situasjonen forverrar seg, kjem me til marknader både i Oslo og Bergen.
I følgje værmeldinga skal alt snu til det betre i morgon og det vert fin marknadsdag både i aust og vest 😊
Målet er Bondens Marked i Asker, Vinkelplassen på Majorstua og på Fisketorget i Bergen. Alle tre marknadene er på laurdag og me deler oss: Kristine i Asker, Odd på Vinkelplassen og våre supre nevøar Kevin og Vetle på Fisketorget.
Det er no fokus på førebuingar til jul, så pinnekjøtt og pinnesteik er med. Jakta har vore ganske god, så me har med ein del hjort, både ytrefilet, indrefilet, grytekjøt, steik og kjøttdeig.
Av Sognalam vert det med mørbrad, filet og skank.
Sognalapskaus, hjortegryte, chili con Munvold, bacon og litt spekemat er det også plass til.
Julepålegget vert med frå og med neste runde på marknad.
Bestilling i julebutikken er opna, og me startar sending av pinnekjøtt rundt om i landet allereie neste veke.
Marknadsplanen er klar og oversikt over marknader me deltek på finn de her
Me ynskjer alle ei super helg!
Med von om smakelege opplevingar…
Kristine, Odd og resten av familien i Haugen