Hallingskarvet
Hei alle saman
Her i Haugen går det mot vår i bygda, sjølv om låge temperaturar gjer at det grøne ikkje har overteke endå. I fjellet er det framleis godt med snø, og me har ei fin tid føre oss med gleda av vinter og ski i fjellet og vårsyslar på garden. «Vårvinter» ei ei fantastisk tid!
I produksjonen har me gjort klart varer me kan ha med oss på marknadene no før påskehøgtida.
Det er varer til pålegg, grill og høgtid, lette måltid og snacks til lange utedagar og kvardagar.
LAM
Lammemørbrad og lammeskank
Pinnekjøtt og pinnebog
Ljøsdalskorv og lammerull
Fenalår og anna spekemat
HJORT
Indrefilet av hjort
Grytekjøtt, både med og utan bein av hjort
Hjortegryte med bacon
Hjortekjøttdeig
Hjorteburger til grillen
SVIN OG STORFE
Kjøttfulle Grillbein av svin og storfeburger til grillen
Sognalapskaus
Gards paté -Ein del som har venta på den!
Då pakkar me så mykje som mogeleg for å setje nasen austover denne helga og vestover den neste.
Det er marknad på Vinkelplassen i morgon laurdag 2.april og Vinslottet på Hasle sundag 3.april
Neste laurdag, den 9. er det marknad på Fisketorget i Bergen
Me ynskjer dykk alle ei retteleg god helg frå eit strålande kaldt og klart vårvær i Flåm og vonar me sjåast på marknad 😊
Med von om smakelege opplevingar…
Kristine, Odd og resten av familien i Haugen