Matsikkerheit har førsteprioritet

Sikker mat har første prioritet, difor testar me alltid produkta våre.

I førre veke sendte me inn nye prøver til Eurofins. Me testa både lammerull og sylte, fenalår og speka ytrefilet, fersk kjøt av hjort og svin.

I tillegg sender me alltid inn miljøprøver, denne gongen av sluk.

Alle prøvar var fine og ingenting påvist utanom i ei prøve av Olinas syltaflesk med batch nummer 5900.

Det er mistanke om listeria i sylta, og det skal takast vidare prøvar, men me meiner det er viktig å informere med ein gong for å vera på den sikre sida.

Me har informert Mattilsynet som rådgjev oss i prosessen.

Bondens Marked Norge er også informert og vil bistå.

Det er fyrste gong i dei 25 åra me har produsert at me har måtta sende ut eit slikt varsel, og er veldig lei oss for at dette kunne skje hjå oss!

No gjer me det me kan for å kontakte våre kundar som har kjøpt produktet.

Er du ein av dei, tek du bilete av etiketten, kaster produktet og sender oss bilete og kontonummer på e-post til post@haugengardsmat.no slik at me kan refundere deg.

Beklager så mykje, dette er meldinga ein som produsent vonar aldri å sende!

Med venleg helsing Kristine og Odd i Haugen

Adventstid i Haugen

Hei alle saman!

Då er me komen inn i adventstida, og for oss, som for alle andre, er det knapt med tid for å verte ferdig med alt ein ynskjer før julefreden kan senke seg.Haugen Gardsmat skal delta på Bonden Marked i Bergen, Oslo og Bærums Verk framover. Denne laurdagen er me også i Asker.

Gode nyheter!

Det vert truleg rein frå Filefjell siste helga før jul!
Det einaste som kan stoppe det er om været vert slik at dei ikkje får inn reinen.
Men me har god tru, og har no endra i julebutikken slik at de kan bestille 1/2 rein oppskore som tidlegare, og reinsdyrsteik.

Ingen allergen eller nitritt i noko me lagar

Som de veit, har me aldri nytta nitrittsalt eller noko form for kunstig tilsetting i våre produkt.
Me tykkjer også at me skal lage mat utan mjøl, mjøk, egg og andre allergen.
Mange set pris på medisterkakene og julepålegget vårt.
Nytt er at me også har laga ein test på ein ny type leverpostei som me vponar de vil vera med å gje oss tilbakemelding på.
Om den fell i smak, vil me få til betre emballasje etter kvart :)

Julebord

Me har framleis med oss både pinnekjøtt, Ljøsdalskorv, svineribbe og porcetta på marknaden, men oppmodar sterkt om å sørge for å få dette i hus og ikkje vente til siste helg.

God helg folkens, sjåast på marknad 

Med von om smakelege opplevingar…
Kristine ,Odd og resten av storfamilien i Haugen

Travle tider?

Herleg!
Kaldt ute, kvitt på toppane og tidleg mørkt, men i produksjonen er lyset på og gjengen i full sving.
Slik er det, og me kan ikkje anna enn å gle oss over alt det gode me dei neste vekene skal ha med oss til marknadene både i Bergen og Oslo.
Odd sagar pinnekjøtt og pinnesteik, eg pakkar, og i neste veke sender me også bestillingane som skal med posten.
Lammerull og sylte i god gjenge, ljøsdalskorv, medisterkaker og bacon.
Me tenkjer me ligg godt an!

Det har vore ein god haust så langt, og når me no går inn i vintermånadene er det med ei kjensle av at me er på rett stad.
Me mottek vill hjort frå framifrå jegerar kvar veke og gler oss over å kunne ta med oss nydeleg kjøt til kvardag og fest.

Sjølv om det er eit prinsipp her i huset at me ikkje et pinnakjøt før på julaftan, anna enn ein liten test; må eg i dag innrømme at akkurat no dampar pinnesteik på komfyren; så nokså nær..
Det vert ein aldri så liten forsmak på jul i Haugen.

Denne helga er me på Vinkelplassen fredag, Brikelunden laurdag og Bærums Verk sundag. Neste marknad i Bergen er laurdag 29.november.

Med von om smakelege opplevingar…
Kristine, Odd og resten av storfamilien i Haugen

Førjulstida i Haugen startar no!

Me gler oss til å sjå dykk alle saman!
Fisketorget i Bergen - 15. november
Asker Kulturhus - 15. november
Vinslottet på Hasle - 15. november

Det er travle tider i Haugen, og litt ekstra vert det når storfamilien får eit nytt tilskudd til stamma.
Ei nydeleg lita tulle som skal vakse opp i Flåmsdalen med foreldra sine, som begge har sitt daglege virke her. Me er heldig som får vera ein del av dette og gler oss til å bli kjent med den vesle!

Så no me legg oss litt ekstra i selen for å kome i mål til jul, men planen er god!
Traktorane går til både aust og vest.
Dei er fullasta med godsaker frå garden og fjellheimen.
De kan ta turen innom dei velfylte bodane våre eller bestille på forhånd i den vesle julebutikken.

Med von om smakelege opplevingar...
Odd, Kristine og resten av storfamilien i Haugen

Julestemning

Uansett vær, no byrjar me å kjenne på julestemninga!

Det er klart for siste innspurt før jula set inn.

Med oss til Oslo og Bergen er det mykje god julemat til både høgtidsdagar, mellomjul og nyttår.

Fersk rein frå Filefjell og hjort frå Sogn. Odd har fått laga ny runde med nydelig porcetta, julepålegg, korv, spekemat og

pitte litt svineribbe og

pinnesteik har me også :)

For ikkje å gløyme: Sognalapskaus er sjølvsagt også med.

Me startar torsdag til sundag på Vinkelplassen, laurdag i Bergen, laurdag og sundag på Bærums Verk. Me kryssar fingrane for at me har med nok til å stå heilt til siste time på sundag!

Me gler oss til å sjå mange av dykk i løpet av dei komande

dagane, men vil også nytte høvet til å ynskje alle ei fin juleinnspurt!

Med von om smakelege opplevingar...

Storfamilien i Haugen

ADVENT

Denne helga startar adventstida.
Den travlaste tida i Haugen -og me gler oss!

Ikkje vanskeleg å kome i ‘julemodus’ når Odd skjærer pinnekjøtt og me pakkar julepålegg, pølser og anna godt til både kvardag og fest!
Nytt denne helga er porsjonspakkar av hjortebiff :)

Denne helga finn de oss på Bondens Marked:

Bergen laurdag 30.desember

Vinkelplassen fredag 29.november
Kolbotn og Bærums Verk laurdag 30.desember
og Bærums Verk, tradisjonen tru, sundag 1.desember

-          og de vil finne oss både aust og vest kvar helg framover til julefreden har senka seg

Me ynskjer alle ein fin dag, kanskje så sjåast me i adventstida?

Med von om smakelege opplevingar…
Kristine, Odd og resten av storfamilien i Haugen

Då er me verkeleg i gang

Heilt utruleg; kor fort tida går på den eine sida, mens ein i retrospekt ser alt som allereie har skjedd i haust!

No er førjulstida her ,og i Haugen er det lukta av nykappa pinnakjøt, produksjon av julepålegg, fenalår og anna spekemat på modning, pølser og andre godsaker som har fokus. For ikkje å snakke om den flotte hjorten som kjem inn kvar veke :)

Litt stein i skoen akkurat no, då Odd og eg må kaste inn handle og berre akseptere at det ikkje vert oss som kjem til Vinkelplassen og Bærums Verk denne helga.
- me må rett og slett verte feberfri.

Vel, slik er livet, og når ‘ungane i Haugen’ er spreidd for alle vindar, er det godt er det å ha den stødige nevøen vår Kevin, og Marte som er klar til å trå til. Me er jammen heldige!

Programmet framover er stramt, og det gjeld å ha tunga beint i munnen når bestillingar kjem inn frå www.haugengardsmat.no/julebutikken

Nokon melder om at den er vanskeleg å bruke, då kan de evt. sende bestilling direkte til bestilling@haugengardsmat.no (Viktig at de er konkret om hentestad og dato)

Frå og med neste helg vert det Bondens Marknad både i Bergen og Oslo-området.
Sjekk www.bondensmarked.no for info om stad og tid for marknader.

Vel, litt kort i dag, men me kjem sterk og klar attende berre formen stig litt :)

Med von om god helg smakelege opplevingar…
Kristine, Odd og resten av storfamilien i Haugen

Oktober

På dagar som i dag syner oktober seg frå si beste side.
Trolsk stemning og nydelege fargar på fjellet og i bygda.
Med snødryss på toppane vert det heile komplett.

Me måtte sko bilen som no er på veg austover med vinterdekk i dag, og kjenner oss trygge på at Jon og Kevin kjem vel fram og vert å sjå på Vinkelplassen i morgon fredag og Kolbotn på laurdag.

Med seg har dei både fersk hjort og lam, spekemat, lapskaus, gryter og bacon.
Bestillingane på lammeslakt har også fått plass på bilen.
Med to marknader i Oslo vart det diverre ikkje mogeleg å dra vestover denne gongen, men me kjem attende så snart som råd!

Sjølve skal me «styre heime» og har ei av dei siste gruppene for året i tunet på Sognalapskaus.
Det er alltid kjekt! -skal berre sjå det vert ein liten jakt-tur også.

Me ynskjer alle gode dagar og god helg når de kjem så langt

Med von om smakelege opplevingar…
Kristine og Odd i Haugen