Haust

Om hausten kjem sau og lam ned frå fjellet og me er stolte av å kunna levera lam frå vår region. Som ivrige jegarar er me mykje i fjellet for å sjå etter rein og hjort. Haugen Gardsmat skjer ned rein og hjort frå godkjende slakt lokalt. Dette gjev flotte produkt både til kvardag og fest.

Produkt med fokus:

Lammekjøt frå lam rett frå fjellbeite

  • Lammeklubbe (utbeina lammebog som steik, urtekrydra, ferdig til steikeovnen)
  • Lammesteik
  • Fårikålkjøt (skiva nakke og bog)
  • Ytre og indrefileter
  • Lammeskank

Reinsdyrkjøt og hjortekjøt

  • Lårsteik
  • Bogsteik
  • Sider, steikast heil i ovn, kan også nyttast som pinnekjøt for den meir eksperimentelle
  • Entrecote
  • Mørbrad
  • Flatbiff
  • Ytre og indrefilet
  • Skank
julematbilde.matprat (2).jpg
julepølser.matprat.jpg

Me sel også fersk reinskjøt og hjortekjøt og sel heile og halve reinskalvar ferdig partert og pakka klart for henting på marknader.

JUL

No vert dei gamle og gode oppskriftene for julepålegg teken fram og me kosar oss med smakane og luktene rundt gryter og omn når lammerull, reinsrull, syltaflesk, juleskinke, kokelår og patéar vert førebudd til marknader, restaurantar og hotell. Pinnakjøt og fenalår frå lamma tidlegare i haust heng klart. Slakt frå eigne frittgåande "utegriser" er teke inn for å gje gode svineribber og steiker til julebordet.

Haust og førjulstid er det også fokus på fersk reinskjøt og hjortekjøt hjå oss, og me skjær ned og førebur pakkar med heile og halve reinskalvar og hjortekalvar til einskildpersonar og restaurantar. Så sant det er tilgjengeleg, er det alltid med fersk rein og hjort til marknadene gjennom hausten. 

Produkt i fokus:

Pinnakjøt av lam og gimmer (1½ åringar)
Pinnakjøt av rein og hjort
Lammerull
Reinsrull
Olinas Syltaflesk (hodesylte)
Juleskinke
Kokelår
Gardspaté (grov leverpostei som passar både til forrett og på skiva)
Juleskinke
Svineribbe
Julepølser både til ribbe og pinnakjøt
Medisterkaker

Me sel også fersk reinskjøt og hjortekjøt og sel heile og halve reinskalvar ferdig partert og pakka klart for henting på marknader.

 

    Vinter

    Det er kaldt og klart, snø og kvite fjell trekkjer oss til fjells i helgane og me samlast med vener og familie over varme måltid. I kvardagen ser me oss om etter gode middagsløysingar og er oppteken av å få arbeidstid og fritid til å gå i hop på ein god måte for alle.

    Produkt med fokus:

    • Lammebollar, karbonader og burgere
    • Viltbollar, karbonader og burgere
    • Storfebollar, karbonader og burgere
    • Tapasbollar
    • Ljøsdalskorv

    Lam

    • Saltkjøt, salta lammebog i skiver
    • Røykjekjøt, salta og røykt lammebog i skiver
    • Lammeklubbe (utbeina lammebog som steik, urtekrydra, ferdig til steikeovnen)

    Reinsdyrkjøt og hjortekjøt

    • Lårsteik og bogsteik av hjort
    • Rundbiff
    • Entrecote
    • Flatbiff
    • Mørbrad
    • Ytre og indrefileter

    Svin

    • Bogsteik
    • Lårsteik
    • Svinenakke
    • Flatbiff
    • Rundbiff
    • Indre- og ytrefileter
    • Turrsalta bacon
    IMG_4386.JPG

    Påske

    IMG_4413.JPG

    –lam i fokus. No er tida inne for verkeleg å høgtida vinteren før den er forbi. Mellomlam slakta tidlegare på vinteren kjem på bordet i påska og me gler oss over ferie og rom for dei meir spektakulære måltid.

    Produkt me tek med til påskemarknader:

    Lam beinfri lammesteik, lammeklubber (utbeina ferdigkrydra bog, der skanke beinet sit på), skiva og marinerte lammelår, mørbrad, grytekjøt av lam, salta lammebog og lammeskank.

    Villjort og rein er ofte på menyen i påska, og me tek, så langt det er råd, med oss Ytrefilet, mørbrad og skank. Det vert også plass til 400g pakningar med kjøttdeig. Opptint vare.

    Kjøttbollar og karbonade: Me tek med oss lammebollar, tapasbollar, viltbollar og storfebollar. Me har også litt storfekarbonade, kjempegodt til lunsj på patentsmørbrød :)

    Spekemat: No er den langtidsmodna spekeskinka klar og me tek med oss nokre bitar av denne! I tillegg får me plass til Speka krydderbiff, Haugakallens spekepølse og fenalår

    Bacon: Tørrsalta bacon og "engelsk bacon" (av bankekjøtet i låret) orerøykt på gamlemåten  

    Anna: Svinenakke, gardspatè og bolognesesaus i 500g pakningar
     

    Sommar

    Med gauken som rettesnor opnar me på skinker og fenalår til maidagane og freistar med lette menyar til grillen utover sommaren.

    Produkt med fokus:

    • Langtidsmodna spekeskinker
    • Fenalår
    • Speka ytrefilet og nakke av svin (Nytt i år)
    • Marinerte svinenakkar
    • Kje oppdelt til grill (dersom den forsteikast i omn vert resultatet jamnare)
    • Lammepølse
    • Grillkorv
    bilde.png