Hei alle saman!
I dag er det kvitt på toppane, og helga lover bra reint værmessig både i aust og vest.
Det er godt etter ei noko grå og våt tid her i Haugen.
Det er Bondens Julemarked i Bergen fredag til sundag på Munkebryggen og etter dette torsdag til sundag. Det er nytt og spanande, og eit godt tiltak for oss lokalmatprodusentar.
Austaføre er me på Vinkelplassen fredag, Kolbotn Torg laurdag og Bærums Verk sundag.
Me har med oss pinnakjøt, ljøsdalskorv og fenalår frå Sognalam. Litt julepålegg (Her har me solgt meir enn venta i det siste! Me tek med oss alt me har, og så kjem det meir til helgane framover)
Vidare har me fersk hjort, spekemat av svin, kjøttboller, lapskaus og bacon
Minner om at det er mogeleg å bestille gjennom ulike kanalar
For henting på marknad: www.haugengardsmat.no/bestillingsskjema eller Bondens Marked sin eigen bestillingskanal som du finn på www.bondensmarked.no
Me kjem også til å delta på Bondens Utlevering i Asker og på reko ringane i Bergen, Os, Sogndal og om mogeleg ein tur til Voss, om ikkje på reko, så kan me avtale henting når me køyrer forbi :)
Med von om smakelege opplevingar, og ei god førjulstid…
Kristine og Odd
Haugen Gardsmat