Bergen Matfestival; matfest frå fredag til sundag

No gler me oss til å kome i gang med marknader att, og først ut er som vanleg matfestivalen i Bergen til helga. 
Matfestivalen har spanande program og dyktige utstillarar me er glad for å vera ein del av.
Me startar fredag 31. august og held fram til sundag 2. september. 
Program finn de her: www.matfest.no

På nettsida vår finn du også oversikt over når vi deltek på Bondens marked i Oslo og Bergen utover hausten. Det kjem ny oppdatering før julemarknadene startar.

Kva produkt vi stiller med er styrt ut frå sesong. Det me kan nemne spesielt er lam og villhjort. Det kjem det meir av utover hausten når ordinær jaktsesong er i gang!

Med von om smakelege opplevingar...
Kristine og Odd
Haugen Gardsmat

Sommar, sol og marknadshelg

Hei alle saman!
Då er me klar: Marknad i Bergen, Asker og Bærums Verk.
Dette vert finale for oss før me konsentrerer oss om oppgåver på garden og leveringar til hotell og restauranter i regionen.
For ein fantastisk vår og førsommar!
Me gler oss over mange flotte opplevingar, og ser fram til nye utfordringar i tida som kjem!

I går kom regnet.
Herleg forfriskande og sårt tiltrengt væte gjer godt for alt som skal vokse og gro. 

Me har pakka bil, og reiser til ei knall sesongavslutning med både spekemat, grillmat, ferskt kjøt, bacon og boller.

Med von om smakelege opplevingar....
Kristine og Odd
Haugen Gardsmat

Grill og spekemat i varmen

Buføring til Øyane i Flåmsdalen førre helg

Hei alle saman!

Me kjem til Bondens Marked på Valkyrieplass i morgon og har med oss mykje god grillmat og spekemat også denne gongen. Me har lagt til rette for at de kan få kjøpe kjøleposer frå Bondens Marked på standen vår slik at de slepp å vera redde for produkta når de skal heim.

I Flåm er det strålande dagar, varmt og tørt, og me er glade for at sau og lam er trekt til fjells. Her nede prøver me å vatne så godt me kan. Det går også litt varmt opp i toppen nokre gonger, mange jarn i ilden og spanande prosjekt me ynskjer å fortelje meir om etter kvart :) 

Av grillmat kan me freiste med:
Lam: Skiva, marinert lammelår, mørbrad og nokre heile trimma lammelår
Kje: Side og lår
Storfè, Scottish Higland frå Brekke Gard: Grillribbe (short ribs) av kalv
Svin, frå eigne frittgåande gris: nakke, både marinert og naturell
Kjøttbollar: God på grillspyd også dei :)
Spekemat: Fenalår, Langtidsmodna spekeskinke, krydderbiff og Haugakallens spekepølse
Anna: Bacon og gardspatè, kjøttdeig av hjort og lam

Med von om smakelege opplevingar og ein god helg...
Kristine og Odd
Haugen Gardsmat
 

Fisketorget i sol

Hei alle saman

Då er pappa Egil på veg til Flåm for å hente alt produsert til marknaden. Han og Jon tek seg av marknad på Fisketorget i Bergen, mens Odd og eg skal hjelpe ein nabo å buføre sau og lam til fjells.

Med seg til Bergen har Egil og Jon spekemat, grillmat, bacon og kjøttbollar.
Nærmare bestemt:
Speka krydderbiff, Haugakallens spekepølse, Fenalår og Gullskinka vår: Langtidsmodna Spekeskinke. Skiva marinert lammelår, Heile lammelår trimma, Mørbrad, Lammekjøttdeig 400g og lammekraft.

Kjè sider m rygg, kjè lår og kjè bog. 
Nokre få trimma lammelår for dei som vil teste slow coocking :)
Kjøttfulle grillbein av svin, ferdig steikt i vacum, klart for grillen.
Tørrsalta bacon og Back Bacon/ Engelsk bacon
Lammebollar, Tapasbollar og Viltbollar (også god på grillspyd)
Kraft vilt og ytrefilet av hjort
Me tek også med noko kjøttdeig av hjort 400g, Gardspatè og Bolognesesaus med ferdig steikt kjøttdeig.

I tillegg skal Morven stå på demo på Coop Obs Horisont i Åsane og steikje smaksprøvar av Kjøttfulle grillbein av svin.

Med ynskje om ei strålande helg og von om smakelege opplevingar...
Kristine og Odd
Haugen Gardsmat

Spekemat til 17.mai, grill og kvardagsfavorittar

Hei alle saman!
Då er Odd og Jon på veg austover og eg reiser til Bergen.
Det er Bondens Marked på Valkyrieplass i Oslo og på Fisketorget i Bergen.
Me har pakka bilen med det me har av skore langtidsmodna spekeskinke.
De har kanskje fått med dykk at me fekk GULL i NM og Norgesmester-tittel?
Det var skikkeleg stas!

Me har elles med oss fenalår, speka krydderbiff og spekepølse.
Av fersk kjøt er det fokus på kje.
Me har også litt lam og vilt.
Mykje godt å ha på grillen, eller i panne og i omn.

Kjøttbollar og bacon er alltid med på bilen:)
Me ynskjer dykk alle ei retteleg god helg, å så vonar me å sjåast på marknaden.

Med von om smakelege opplevingar..
Kristine og Odd
Haugen Gardsmat

Valkyrieplass laurdag 28.april

Hei alle saman!

Våren er på veg :)

Då har me måtta omkalfatra litt på planane.
Odd og Guttorm stiller på Bondens Marked på Valkyrieplass i Oslo, resten av gjengen må ta seg av litt meir heimlege oppgåver.
Neste marknadshelg for oss vert laurdag 12.mai, då kjem me både til Oslo og Bergen :)

Me har fokus på spekemat, grillmat, kje og noko fersk kjøt (også kverna hjortekjøttdeig og lammekjøttdeig) i tillegg til bacon, bollar og karbonade. Tilbakemeldingane så langt har vore særs gode for spekeskinka me har starta å skjære av no, og det er me svært glade for.

I Flåm er det byrja å vårast, med dette fyl fall av is frå store høgder, ras i fjellsidene og vidunderleg etterlengta fuglesong og sollys. Lamming er godt i gang, og me ser fram til at bakkane skal grønkast og nytt liv vert slept på bøane.

Me ynskjer dykk alle ei strålande helg, og vonar me sjåast på marknad.
Med von om smakelege opplevingar...
Kristine og Odd
Haugen Gardsmat

Bryggen i Bergen og Skarvarenn på Finse komande helg

Hallingskarvet Panorama

Hei alle saman!
Det vert ein travel helg, og me er no i ferd med å gjere klar alle varer som skal vera med til marknad på BRYGGEN i Bergen, grill i Lengedalen under Skarverennet og middag på Finse til kvelden for alle frivillige i Røde Kors.
Alltid like kjekt!

Til marknaden vil me spesielt løfte fram :
KJE, lår, bog, side og nakke
FILET AV KALV frå storfe på Brekke Gard i Flåm. 
Me har elles med oss godt med spekemat, bacon, lam, viltkjøt, kjøttfulle grillbein, kjøtbollar, kraft og bolognese.

De møter Egil og Silje i Bergen, resten av familien er i sving i fjellet denne helga.
Me ynskjer dykk alle ei retteleg god helg :)
Med von om smakelege opplevingar...
Kristine og Odd
Haugen Gardsmat

Marknad i Oslo 7. og i Bergen 14. april

Hei alle saman!

Vonar alle har hatt ein god påske!
Takk for alle gode tilbakemeldingar frå dykk. Me gler oss over festmåltida av lam og vilt, kos i solveggen med spekemat og kreative løysingar for produkta de har teke med dykk i ferien!
Me har vore heldige med fantastiske dagar i fjellet, og kjenner at det har gjeve oss god energi til å starte kvardagen att.
Det har vore ei noko avkorta arbeidsveke, men me har stått på og tek med oss alt som er klart for marknad denne helga.
Odd og Guttorm stiller på Valkyrieplass i Oslo, Kristine og Egil i Bergen.

Me tek med oss:
LAM: Skiva marinert lammelår, lammeklubbe, mørbrad, lammekjøttdeig og lammekraft.
HJORT: Me har nokre ytrefiletar og litt suppekjøtt av nakke som vert med til marknaden. I tillegg har me viltkraft som er god å ha som base for saus eller suppe.
SPEKEMAT: No har me skore ned nokre langtidsmodna spekekinker til, og tek alt som er klart med til marknadene. Fenalår, krydderbiff og litt Haugakallens spekepølse vert det også plass til.
BACON: Begge typar, både tørrsalta bacon av sideflesk og den engelske varianten av bankekjøtet i låret.
KJØTTBOLLAR OG KARBONADER, herlege kvardagsmiddagar:
Lammekjøttbollar, Viltbollar, tapasbollar og storfebollar. Viltkarbonade og storfekarbonade.
Med litt god kraft kan ein lage alt frå suppe, pastarettar og tradisjonelle kjøttbollemiddagar.
BOLOGNESE: Me har laga ein base av tomat og kjøttdeig som er god å starte med for ein enkel og grei kvardagsmiddag. 

Me sjåast!
Med von om smakelege opplevingar...
Kristine og Odd
Haugen Gardsmat