haugen-header

Jul

No vert dei gamle og gode oppskriftene for julepålegg teken fram og me kosar oss med smakane og luktene rundt gryter og omn når lammerull, reinsrull, syltaflesk, juleskinke, kokelår og patéar vert førebudd til marknader, restaurantar og hotell før jul. Pinnakjøt og fenalår frå lamma tidlegare i haust heng klart til jul, også pinnakjøt frå reinen me henta tidlegare i år er klar til denne tida. Vidare er slakt frå eigne frittgåande griser teke inn for å gje gode svineribber og steiker til julebordet.

Desember er også månaden for fersk reinskjøt hjå oss, og me skjær ned og førebur pakkar med heile og halve reinskalvar til einskildpersonar og restaurantar. Det er alltid med fersk rein til marknadene etter slaktinga i desember.

Varer med fokus:

  • Pinnakjøt av lam og gimmer (1½ åringar)
  • Pinnakjøt av rein
  • Lammerull
  • Reinsrull
  • Olinas Syltaflesk (hodesylte)
  • Juleskinke
  • Kokelår
  • Gardspaté (grov leverpostei som passar både til forrett og på skiva)
  • Viltpaté (laga på rein og svin)
  • Juleskinke
  • Svineribbe
  • Julepølser både til ribbe og pinnakjøt
  • Medisterkaker
  • Fersk reinskjøt og sal av heile og halve reinskalvar ferdig fin partert og pakka til einskildpersonar.

Med von om smakelege opplevingar i førjulsstria og julehøgtida…

Wordpress nettside laget av Oransje webdesign